சில நாட்களுக்கு
முன் தினத்தந்தி நாளிதழில், காவலர் தேர்வுக்கான மாதிரி வினா விடைகள் வெளியாகியிருந்தன.
அதில், கீழ்க்கண்ட வினா ஒன்று இடம் பெற்றிருந்தது.
கேள்வி :
ஒரு தேர்வில்,
வினாத்தாளில் 90 கேள்விகள் இடம் பெற்றுள்ளன.
அனைத்து கேள்விகளுக்கும்
கட்டாயம் பதிலளிக்கவேண்டும்.
ஒவ்வொரு சரியான
பதிலுக்கும் 2 மதிப்பெண்கள் வழங்கப்படும்.
ஒவ்வொரு தவறான
பதிலுக்கும் 3 மதிப்பெண்கள் கழிக்கப்படும்.
தேர்வை எழுதிய
ஒரு மாணவன், 15 மதிப்பெண்கள் பெறுகிறான் எனில், அந்த மாணவன் எத்தனை கேள்விகளுக்கு சரியான
விடையளித்திருப்பான்?
இந்தக்கேள்விக்கு
விடையாக 4 வாய்ப்புகள் (options) வழங்கப்பட்டிருந்தன. அந்த வாய்ப்புகளைக் கொண்டு சிற்சில
மனக்கணக்குகளோடு, விடையை யூகித்து எழுதமுடியலாம்.
வாய்ப்புகள் ஏதுமின்றி,
எங்கள் வீட்டின் உரிமையாளர், திரு. ஸ்ரீநிவாசன் எவ்வாறு விடையைக் கண்டுபிடித்தார்?
முதலில், சரியான
விடைகள்= 60 என்றால், தவறானவை = 30
60 * 2 = 120
30 * 3 = 90
120 – 90 =
30 > பெற்ற மதிப்பெண்கள்
சரியான விடைகள்=
55 என்றால், தவறானவை = 35
55 * 2 = 110
35 * 3 = 105
110 – 105 =
5 < பெற்ற மதிப்பெண்கள்
, சரியான விடைகள்=
57 என்றால், தவறானவை = 33
57 * 2 = 114
33 * 3 = 99
114 – 99 =
15 = பெற்ற மதிப்பெண்கள்
நுழைவுத்தேர்வு
எழுத இதுபோன்ற முறைகள் சில நேரங்களில் கை கொடுக்கும். எல்லா நேரங்களிலும் அல்ல.
எடுத்துக்காட்டாக,
ராமுவும் சோமுவும்
இந்தியாவைச் சுற்றிவருவதற்காக, திட்டமிடப்பட்ட ஒரே பாதையில் ஆளுக்கொரு மிதிவண்டியில்
ஒரே நாளில் கிளம்புகின்றனர். ராமு, ஒரு நாளைக்கு 30 கி.மீ என்ற வேகத்தில் செல்கிறான்.
சோமுவோ, முதல் நாள் ஒரு கி.மீ மட்டுமே செல்கிறான். அடுத்தநாள், அவனுடைய வேகம் 2 கி.மீ
/ நாள். மூன்றாவது நாள், 3 கி.மீ / நாள். இவ்வாறு அவனுடைய வேகம், ஒவ்வொரு கிலோமீட்டராக
அதிகரித்துக்கொண்டே இருக்கிறது.
கேள்வி இதுதான்.
சோமு, ராமுவைத்தொடுவானா? எத்தனையாவது நாளில், எத்தனையாவது கிலோமீட்டரில் சந்திப்பு
நிகழும்? திரு. ஸ்ரீநிவாசன் அவர்கள் எத்தனை நாட்களில் விடையை கண்டுபிடிப்பார்?
நாம் மீண்டும்
முதல் கணக்குக்கே வருவோம்.
மாணவன் எழுதிய
சரியான விடைகள் = X என்போம்
தவறான விடைகள் = Y என்போம்
X + Y = 90----------------------( 1 )
சரியான விடைகளுக்கான
மதிப்பெண்கள் = 2X
தவறான விடைகளுக்கான
மதிப்பெண்கள் = 3Y
அதாவது,
2X - 3Y = 15-----------------( 2 )
X + Y =
90-----------------( 1 )
( 1 ) * 2-----à 2X
+2Y = 180-----------------( 3 )
( 2 ) * 1-----à 2X
- 3Y = 15---------------( 4 )
( 3 ) – ( 4 )
--------à 5Y = 165
Y = 165 / 5
= 33
தவறான விடைகள்
= 33
சரியான விடைகள்
= 90 – 33 = 57
மிதிவண்டி கணக்குக்கான
விடையை மற்றுமொரு பதிவில் காணலாம்.
வாழ்த்துக்கள் !!
குறிப்பு : தற்போது
காவலராயிருக்கும் எத்தனை பேருக்கு இது போன்ற கணக்குகள் இருப்பது தெரியும்?
கருத்துகள்
கருத்துரையிடுக