தேனாமிர்தம்

வேலைக்காரன் காதலா காதலா என்ற திரைப்படத்தில், கமல்ஹாசன், "முருகர் கையில்கூடத்தான் வேல் இருக்கிறது. அதனால் அவரை வேலக்காரன் (வேலைக்காரன்) என்று சொல்ல முடியுமா?" என்று கேட்பதாக ஒரு வசனம் வரும். பாரதி போன்ற கவியுள்ளங்கொண்ட மெய்யன்பர்களுக்கு வேண்டுமானால் கண்ணன் போன்ற கடவுளரும் சேவகராகலாம். நம்மைப்போன்ற சாதாரணர், முருகனை வேலைக்காரன் என்று சொல்ல முடியுமா? கண்டிப்பாக முடியாது. ஆனால், வேளக்காரன் என்று சொல்லலாம். எப்படி? வேளக்காரன் ஆயிரம் ஆண்டுகளுக்கு முன்னால், தஞ்சாவூரில், ஓரிரவுப்பொழுதில், கோட்டையின் பிரதான வாசலில் ஆதித்தகரிகாலனின் தூதன் வந்தியத்தேவன் கோட்டையை நோட்டம் பார்த்தபடி நின்றுகொண்டிருந்தான். அப்போது, வாசல் வழியே, புழுதியைக்கிளப்பிக்கொண்டு ஒரு குதிரைப்படை, புயல்போல் வெளியேறியது. குதிரை மேலிருந்த வீரர்கள் ஏக களேபரம் செய்தபடி வந்தனர். மரியாதையோடு வீதியின் ஓரமாய் நின்ற மக்களிடம் வம்பிழுத்தபடியும், கடைகளில் இருந்த பொருட்களையெடுத்து விளையாண்டும், வீணடித்தும், கேலியும் கிண்டலுமாய் சத்தம் செய்துகொண்டும் சென்றனர். இத்தனைக்கும், அவர்கள் பேரில் தஞ்சை மக்களுக்கு எந்தக்கோபமும் ஏற்பட...

காட்டு நதி   இந்தப்பயணம் குறிக்கோளில்லாமல் தொடங்கியதுதான்.              --------- என்னைப்பெற்றெடுத்த புனித வயிறு, சிறு குன்றுதான் என்றாலும் எனக்கதுதான் இமயம்.            --------- காதலனுடன் ஓடிவந்த கன்னிப்பெண்ணின் பயம் கலந்த ஆர்வம், நான் ஓடிவந்தபோது எனக்குமிருந்தது. பாறைகளில் குதித்தோடி வந்த எனக்கு, மலையடிவாரம் முடிந்ததும் திசை தெரியவில்லை. சரிவுகளில் திசை திருப்பப்பட்டேன். சமவெளிகளில் மனம் போனபடி பயணம் செய்தேன். வழிதவறிய குழந்தையிடம் பரிவுகாட்டும் பெரியவரைப்போல் அந்தக்காடுகள்தான் என்னை அரவணைத்தன. யாருக்கும் வழிவிடாத காடுகள், தலவனைக்கண்ட தொண்டரைப்போல் எனக்குப் பாதை தந்தன. என் இளமை முழுதும் அந்தக் காடுகளிலேயே கழிந்தது, பால காண்டம், ஆரண்ய காண்டம் இரண்டுமே எனக்கு சுந்தர காண்டம்தான். யுத்த காண்டமும் தொடங்கியது. நான் தடுக்கப்பட்டேன். திருப்பப்பட்டேன். திருடப்ப...

தட்டு விளையா ட்டு :                      Place for Help Place : B                              மேலே Place A என்ற இடத்தில் மூன்று தட்டுக்கள் உள்ளன. இவற்றை place B க்கு முழுவதுமாக எடுத்துச்செல்லவேண்டும். கீழே உள்ள விதிமுறைகளையும் மனதில் கொள்ளவேண்டும். விதிமுறைகள் : 1.ஒவ்வொரு தட்டாக மட்டுமே எடுக்கவேண்டும். 2.Place for Help –இலும் தட்டுக்களை வைக்கலாம், எடுக்கலாம். (ஒவ்வொரு தட்டாக மட்டுமே) 3.எக்காரணத்தைக்கொண்டும், சிறிய தட்டின் மேல் பெரிய தட்டை வைக்கக்கூடாது. 4.ஒரு தட்டை, ஒருமுறை தொட்டால், ஒரு step என்று கணக்கிடப்படும். 5.ஏழு steps களில் ஆட்டத்தை முடிக்கவேண்டும். தயாராகிவிட்டீர்களா? வெற்றி உங்களுக்கே! ஐயங்களிருந்தால், தயக்கமின்றி தொடர்புகொள்ளுங்கள். அதிக எண்ணிக்கையிலான தட்டுக்களை வைத்து விளையாடிப்பாருங்கள். ...

நண்பர் எஸ்.லோகநாதன், சமீபத்தில் படித்த நூலின் சிறுபகுதியை நமக்கு மின்னஞ்சல் செய்துள்ளார். அவர் அனுப்பிய செய்தி, அப்படியே தரப்படுகிறது. இந்திய வானம்-21 எஸ்.இராமகிருஷ்ண ஓவியங்கள்: ரமேஷ் ஆச்சார்யா இட்லி ஒழிக! ஒடிசாவில் உள்ள சில்கா ஏரியைக் காண்பதற் காகச் சென்றிருந்தேன். மிகப் பெரிய ஏரி அது. படகில் சென்றால் டால்பின்கள் துள்ளுவதைக் காணலாம். கடலைப்போல கண்கொள்ள முடியாத பரப்பளவு தண்ணீர் விரிந்துகிடக்கிறது. குளிர்காலத்தில் வெளிநாட்டுப் பறவைகள் இங்கே கூட்டம் கூட்டமாக வந்து சேர்கின்றன. சில்கா ஏரியில் சிறியதும் பெரியதுமாக நிறையத் தீவுகள் உள்ளன. ஒன்றில் பெரிய காளி கோயில் இருக்கிறது. காலை 10 மணி அளவில் படகில் ஏறி, மதியம் வரை சுற்றிக்கொண்டே இருந்தோம். டால்பின்கள், கண்கள் முன்னே துள்ளியோடி மறைந்தன. சில்கா ஏரி கடலில் சங்கமிக்கும் சத்படா பகுதிக்குப் போய் இறங்கி, மணலில் நடந்து சுற்றினோம். மதியம் 2:30 மணி இருக்கும். நல்ல பசி. சில்கா கெஸ்ட் ஹவுஸில் சாப்பிடச் சென்றோம். ஆட்கள் யாருமே இல்லை. காத்திருக்கவைத்து, சாப்பிடுவதற்காக ரொட்டியும் தால் மக்கனியும் கடாய் பனீரும் தந்தார்கள். அவ்வளவு நேரம் காத்தி...

 சமீபத்தில், 'கெத்து'  படத்திற்கு வரிவிலக்கு அளிப்பது தொடர்பான வழக்கு நீதிமன்ற விசாரணைக்கு வந்தது. கெத்து என்ற சொல் , தமிழே அல்ல என்று தமிழக அரசு சார்பில் வாதிடப்பட்டது .கெத்து என்ற சொல், திருப்புகழில் உள்ளது என்று தயாரிப்பாளர் தரப்பில் வாதிடப்பட்டது. நிறைய பிறமொழிச்சொற்கள் தமிழில் கலந்துள்ளன. அவற்றையெல்லாம் தமிழாகக்கருதமுடியாது என்று சொல்லி எடுத்துக்காட்டிற்கு மேசை என்ற சொல் அரசின் தமிழ்த்துறை  சார்பில் சொல்லப்பட்டது. கொடுமை என்னவென்றால், மேசை என்ற சொல் தூய தமிழ்ச்சொல்லாகும். சற்று உயர்ந்த இடத்தை அல்லது பகுதியை 'மிசை' என்ற வேர்ச்சொல் குறிக்கும். 'சிந்து நதியின் மிசை' என்பதில் மிசை என்பது, நதியின் அருகே உள்ள, நதியைவிட சற்று உயர்ந்த கரைப்பகுதியைக் குறிக்கும். தமிழை விட வடமொழியே சிறந்தது என்று நினைத்த ஏமாளிகள் இன்றைவிட முற்காலத்தில் அதிகம் இருந்தனர்.  அவர்கள், தேவையின்றி   ஜ, ஷ, ஸ, ஹ  போன்ற எழுத்துக்களை தமிழ்ச்சொற்களில் சேர்த்துப்பேசினர்.  அவர்கள்தான் மேசையை 'மேஜை' ஆக்கினர். சமீபத்திய தமிழ் ஆர்வலர்கள், table என்ற சொல்லுக்கு , வடமொழியில் ...

வர்க்கங்கள் சென்ற பதிவில் வாசுகி உமாநாத் பற்றி எழுதியதால், இந்த பதிவில் வர்க்கங்களைப்பற்றி எழுதும்படி ஆகிவிட்டது. 16 என்ற வர்க்க எண்ணிலிருந்து தொடங்குவோம். 16+9=25.  25 ஒரு வர்க்க எண். 25+11=36 36+13=49 49+15=64 நான் சொல்ல வந்த செய்தி புரிந்துகொள்ளப்பட்டிருக்கும் என்று நம்புகிறேன். இது என்னுடைய சின்ன வயது ஆராய்ச்சி(?). அடுத்தடுத்த இரு வர்க்க எண்களின் வித்தியாசம் தெரிந்தபின் அதற்கும் அடுத்த வர்க்க எண்ணைக் கண்டுபிடித்துவிடலாம். இரு நாட்களுக்கு முன், இந்த ஆராய்ச்சியில் மேலும் ஒரு முன்னேற்றம் ஏற்பட்டுள்ளது. அதாவது, ஒரு எண், வர்க்க எண் என்று தெரிந்தால் போதும். அதற்கடுத்த எண்ணைக் கண்டுபிடிக்கமுடியும். மீண்டும் 16 ஐ எடுத்துக்கொள்வோம். 16 இன் வர்க்கமூலம் 4. 4 X 2 = 8 8 + 1 = 9 16 + 9 = 25. 25 ஒரு வர்க்க எண். 64 இன் வர்க்கமூலம் 8. 8 X 2 =16 16 + 1 = 17 64 + 17 = 81. போரடித்துவிட்டேனா? வர்க்கங்களைப்பற்றி சிந்திப்பது நன்மை தருவதே. நன்றி! அன்புடன், தே.சிவகுமார்.

வாசுகி உமாநாத் உங்களில் எத்தனை பேருக்கு வாசுகி உமாநாத்தைத்தெரியும்? பெண்ணியம் தொடர்பான தொலைக்காட்சி விவாதங்களில் கலந்துகொண்டு, கருத்துக்களைத்தெளிவாகவும், ஆணித்தரமாகவும் எடுத்துவைப்பதில் வல்லவர். அவரைப்பற்றி தெரிந்துகொண்டு உங்களுக்கு என்ன பயன் கிடைக்கப்போகிறதென்று எனக்குத்தெரியாது. ஆனால், தொலைக்காட்சியில் அவரைப்பார்க்கும்போது, என் நினைவுகள் என்னைப்பின்னோக்கி அழைத்துச்செல்வதைப்பற்றி, எழுதியே ஆகவேண்டும்.  1980 ஆம் ஆண்டு (என்று நினைக்கிறேன்) நடைபெற்ற சட்டமன்றத்தேர்தலில் CPI(M) சார்பாக வாசுகி உமாநாத்தின் தந்தை, திரு R.உமாநாத் அவர்கள்  எங்கள் நாகப்பட்டினம் சட்டமன்றத்தொகுதியில் போட்டியிட்டார். அப்போது, நாங்கள் வசித்த வடக்கு நல்லியான் தோட்டத்திற்கு, பிரச்சாரத்திற்கு வந்திருந்தார் வாசுகி அவர்கள். தெற்கு நல்லியான் தோட்டம் என்பது, ஒரு முழுத்தெரு, ஒரு குறுக்குத்தெரு, ஒரு குறுக்குச்சந்து. வடக்கு நல்லியான் தோட்டம் என்பது, ஒன்னரைத்தெரு, ஒரு குறுக்குச்சந்து, மகம் ரோட்டின் தெற்கு ஓரம். ஆஸ்பத்திரி ரோட்டின் கிழக்கு ஓரம், இரண்டுக்கும் பொதுவானது. ஒருநாள்,மேல்பகுதி மூடப்படாத ...