தேனாமிர்தம்

ஒரு தோட்டத்தில் சில பூக்கள் பூத்திருந்தன. அங்கே வந்த வண்டுகள், அந்தப் பூக்களில் உட்கார்ந்தன. ஒரு வண்டு மட்டும், அமர்வதற்கு ஒரு பூ இல்லாமல் தவித்தது. எனவே, வண்டுகள் எல்லாம் சேர்ந்து ஒரு யோசனை செய்தன. ஒவ்வொரு பூவிலும் இரண்டு இரண்டு பேராக உட்காரலாம் என்று முடிவு செய்து, அவ்வாறே செய்தன. முடிவில் ஒரு பூ மட்டும், தன்மேல் அமர்வதற்கு வண்டு ஏதும் இல்லாமல் தனியே புலம்பிக்கொண்டிருந்தது. அப்படியென்றால், அந்தத் தோட்டத்தில் எத்தனை பூக்கள் பூத்திருந்தன? அந்தத் தோட்டத்தி ற்கு எத்தனை வண்டுகள் வந் திருந்தன ? இந்தக் கணக்கை ‘அல்ஜீப்ரா’ வின் (Algebra) உதவியோடு அணுக முயற்சிப்போம். வண்டுகள் தனித்தனியே உட்காரும்போது : வண்டுகள் எண்ணிக்கை x என்க. பூக்கள் எண்ணிக்கை y என்க. பூக்களின் எண்ணிக்கையை விட, வண்டுகளின் எண்ணிக்கை 1(ஒன்று) அதிகம். எனவே, X – Y =1    ----------1 ஜோடிகளாக உட்காரும்போது : ஜோடிகளின் எண்ணிக்கை X/2 என்க பூக்கள் எண்ணிக்கை Y என்க. ஜோடிகளின் எண்ணிக்கையை விட , பூக்களின் எண்ணிக்கை 1( ஒன்று) அதிகம். எனவே , X/2 – Y = -1 ---------2 X   – Y = ...

சிட்டம்மா ரசம் வைக்கிறதையே கொட்டக் கொட்டப்பாத்துக்கிட்டிருக்கா எமிலி. எப்பிடியாச்சும் அந்த 'சூப்பு' வைக்கிற சூத்திரத்தக் கண்டுபுடிச்சாகணும் அவளுக்கு. இடுப்புல கொசுவத்த இழுத்துச் சொருகி ஆரம்பிச்சிட்டா சிட்டம்மா. குத்துச் சொம்புல தண்ணி ஊத்தி ஒரு புடிச்சபுளி எடுத்து, ஒரு தக்காளியும் சேத்துக் கரகரன்னு கரைச்சு ஊற வச்சா. அதுல உப்புத்தூளை அள்ளி எறிஞ்சா. அதத் துண்டா எடுத்துத் தூர வச்சுட்டா. மிளகு சீரகம் ரெண்டையும் அம்மில வச்சு நச்சு நச்சுன்னு நசுக்குனா. பள்ளிக்கூடத்துல வாத்தியாரு தன் பிள்ளைய அடிக்கிறமாதிரி, வெள்ளைப் பூண்டைத் தட்டியும் தட்டாம வச்சுக்கிட்டா. மூணையுமமொண்ணு சேத்தா. வடச்சட்டியில கடலெண்ணைய ஊத்தி எளஞ்சூட்டுல சுட வச்சா. கடுகு உளுந்தம்பருப்பு ரெண்டையும் எடுத்து எறிஞ்சா கொதிக்கிற எண்ணை மேல. அதுக சட்டுபுட்டுன்னு வெடிச்சு சட்டிக்குள்ள தீபாவளி கொண்டாடுதுக. இப்ப... கிள்ளி வச்ச பட்டமொளகாயும் கருவேப்பிலையும் போட்டுச் செல்லமா வதக்குனா. நான் கறுப்பாப் போகப் போறேன்னு கருவேப்பிலை சொன்னடும் நிறுத்திட்டா. நசுக்கி வச்ச மிளகு சீரகம் பூண்டு மூணையும் இப்ப உள்ள போட்டா. அட்டத்துல நின்னு எல...